老實講，每班機嘅Briefing都一式一樣，畢竟只有七分鐘時間，就算有野想講都講唔到，不過最近飛左班機嘅Briefing令我覺得好有意義，想同大家分享一下。
人生的確有「選擇」，除左降生於世上之外，你嘅一生充滿抉擇，你可以為你嘅人生做唔同選擇。
你唔開心，你可以選擇繼續唔開心，但亦都可以選擇正面樂觀啲。
你今日要返工，你可以選擇返工，亦可以選擇請病假射波。
當派哂長通粉得返雞飯，唔好以為你冇得選擇，你可以選擇 食 或者 唔食。
聽完佢咁講，我即刻覺得人生真係有得選擇，係一件好美好嘅事 😂😂😂
即使私生活或許有唔如意，如果選擇左返工，選擇左著起套制服，行出去客艙就要笑，當情緒爆煲之際就走入廁所大喊一場，喊完就會冇事，呢樣正正係我地最厲害嘅偽裝，亦係所謂嘅「專業」。
朋友們，共勉之。
我唔知我仲可唔可以寫，亦唔肯定自己有冇動力再寫，如果見到我出po，比個Like我打打氣 👍🏼
Search